हाँस्दापनी पोखिएला छल्केर तिम्रो जवानी
बरु फिस्स मुस्काइदेउ छोपेर आँखाका नानी।।
रुपको सराबी शहिद हुँदैछ मातको उन्मादले
धारिला ति ढुम्काहरु भाँचिदेउ रुपकी रानी।।
मस्त नयन मदहोस छन प्यासका प्रहारले
अलीकती प्रेमरस पिलाईदेउ न रसरागिनी।।
अन्धाहरु खेलाडी छन लङ्गडाको शहरमा
मै बैरो बरु उत्कृष्ट छु सुनाईदेउ कुराकानी।।
सुकेकाछन झुकेकाछन सागरदेखी सगरसम्म
तिमी नै बरु फुकेकी छौ भरेर बक्ष-कामिनी।। 
0 comments:
Post a Comment