बोलाई मलाई, तिमी अन्तै ढुक्यौ कि
जुन झैं बादलमा, तिमी आँफै लुक्यौ कि।
बाँचुन्जेल तिमी सँगै, जिउँछु भन्थ्यौ
गरेर बाचा, तिमी आँफै चुक्यौ कि।
बाँधिएर डोरीझैं, साथ हुन्छु भन्थ्यौ
छोडेर साथ, तिमी आँफै फुक्यौ कि।
यो चोखो मायाको, जित हुन्छ भन्थ्यौ
हारेर मायामा, तिमी आँफै झुक्यौ कि।
सागर झैं तिमीसँग, बहन्छु भन्थ्यौ
खहरे खोला झैं, तिमी आँफै सुक्यौ कि।
बोलाई मलाई, तिमी अन्तै लुक्यौ कि।।
0 comments:
Post a Comment