त्यता के छ कुन्नी तर, यता मन भारी भा'छ
एउटै श्वासमा चल्ने मुटु, आज वारी पारी भा'छ।
तिमी फुल गुलाब झैं, म बास्ना भै छाउछु भन्थ्यौ
तर आज त्यो फुलबारी, सिउडी फुल्ने टारी भा'छ।
कुनै दिन यस्ता थिय, रात बित्थ्यो संबादले
तर अचेल तिम्रा बचन, मुटु चिर्ने आरी भा'छ।
बन्दकी को मेरो जीवन, चाहे होला लिलामी नै।
सुनेको छु तिम्रो बरु, छिन्-छिन्मै नामसारी भा'छ।
घमन्डले बाटो फेर्यौ, नाप्न खोज्यौ सम्पत्तीले
धन्य आज 'बिश्व' पनि, तिम्रै हाराहारी भा'छ।
सम्झिएर पुराना दिन, आज मन भारी भा'छ।।२।।
0 comments:
Post a Comment